Dae yi mind in lang lang syne?

Dae Yi Mind In Lang Lang Syne?

By Rev George S. Lawrie

Dae ye mind on lang, lang syne
When the summer days were fine,
and the sun shone brighter far
Than it’s ever deen sin syne?
Dae ye mind the Haa Brig Turn 
Whaur we guddled in the burn,
And were late for the school in the mornin?

Dae ye mind the miller’s dam
Whaur the frosty winter cam?
We slid amongst the curlers’ rinks
And made their game a sham;
When they chased us through the sna,
We gid leg bail yin and aa,
But we did it a’ again in the mornin’.


Dae ye mind the sunny braes
Far we gaithered hips and slaes,
And we fell among the brummle bushes,
Tearin aa wir claes?
And for fear we wid be seen,
We gid slippin hame at een,
Bit were licket fir oor pains, in the mornin’.

 
Far are a thon leal hearts noo,
That were eynce sae fond and true?
Aye there’s some hae left this troubled scene,
Bit there’s some still aye strugglin through;
and there’s some hae risen higher,
and gan tae life’s destiny,
Bit they rose wi the lark in the morning.

Well noo, life’s sweet spring is past,
And the autumn’s come at last;
Oor summer days hae passed away,
and winter’s comin fast;
But though lang the nicht may seem,
We shall sleep wi’oot a dream,
Till we waakin on yon bright summer’s mornin.


Click for more info here on the song history and author.

Advertisements